Tuesday, November 20, 2012

එල්ලේ ක්‍රීඩාව ලංකාවේ ප්‍රථම වරට අන්තර්ජාලයට යොමු කිරිම

දන්න කාලෙ ඉදලම අපේ විනෝදාත්මක ක්‍රිඩාව උනේ එල්ලේ ක්‍රිඩාව එ දවස්වල පැරණි ක්‍රීඩකයො එල්ලෙ ගහනව අපි බලන්න යනවා.හරිම ආසයි වෙලේ ගොයම් කපල ඉවර උනහම හැම ඉරිදාවකම ඒ අය තරග පවත්වනවා...........අපි වෙල් යාය පුරා දුවනවා නටනවා එල්ලේ තරගය පටන් ගන්න තුරැ.......කණ්ඩායම් වල හිටිය පැරැන්නොනම් දැන් නැහැ..........
         ගමේ ගැහැනු පිරිමි එල්ලේ තරග බලන්න වෙල්යායට රැස් වෙනවා........කෑම බීම හදාගෙන මුළු පවුලේ සැවෝම වාගේ එදාට ඉන්නේ වෙල් යායේ..........රටකජු වෙලෙන්දියෝ,අච්චාරැ වෙලෙන්දෝ වාගෙම එක එක කැම ජාති හදාගෙන එන වෙලෙන්දන්ව මට මතකයි ඒ අයත් ගමේම අය තමයි..........ඒ වාගේම එහා ගම්වල අයත් එනවා..............තරගය අවසන් වෙනකොට ඒ කෑම ජාතිත් ඉවර වෙනවා...........තරගය හවස් වෙනතුරැ තියෙනවා.................විනිස්චය කරන්නේ ගොඩක් වේලාවට වික්ටර් ඉස්කෝල මහත්තයා......ඒ දවස්වල ගමේ හිටිය උගත්ම මහත්වරැන්ගෙන් එක් අයෙක් තමයි එයා........

         ඔන්න ඔය විදිහට තරග නරඹලා අපිටත් ඒ ආභාෂයම ලැබුනා ....අපිත් ගෙදර ඇවිත් .......එල්ලේ ගහනවා ......වාගේම පාසැල් ගිහින් ඇවිත් දුවන්නේ නිශ්සන්කලාගේ වත්තට.....ඒ දවස්වල එයාගේ නම ජෝන් පීටර් .......එතන එල්ලේ ගහනවා.........ගමේ කොල්ලො අපේ වයසෙ හා ටිකක් වැඩිමල් අය..... ගෙඩක් එනවා ඒ අය අතර මම අපේ අයියා රංජිත් සිල්වා බොනිපස් ඇන්ටනි කැලිස්ටර් සිල්වා පිටර් සිල්වා ජෝසප් පැට්ට්‍රක්  තවත් නම් වශයෙන් පසුවට ලියන්නම්.......

       බෝල හොයා ගන්න නැති උනහම කොළවලින් ඔතාගත්තු බෝලයක් අරගන අපි සෙල්ලම් කරනවා නැතිනම් ප්ලාස්ටික් බෝලයක් අරගන්නවා..........පොල් පිත්තේන් තමයි එල්ලේ ගහන්නේ ........නිශ්සංකලාගේ වත්තේ සෙල්ලම් කරනවිට සමහර අවශ්ථාවන් වලදී අපේ අම්ම හොගෙන එනවා පාඩම් කරන්න කියලා එලවන වේලාවලුත් තියෙනවා...............

    ඒ වාගේම රැපස්ලාගේ තාත්තත් ඒ දවස් වල ගමේ හිටිය හොද එල්ලේ ක්‍රීඩකයෙක් .....ශ්‍රීයානන්දගේ තාත්ත එඩිමාත් නිල් රෑපස්ගේ තාත්තා පිටර් සිල්වාත් හොද එල්ලේ ක්‍රීඩකයො..... තව ගොඩක් අය හිටියා.....ඉතින් රෑපස්ලාගේ ගෙවල් ලගත් එල්ලේ ගහනවා අපේ කට්ටියගෙන් එතන සෙල්ලම් කරන්න ගන්නේ ටික දෙනකු පමනයි .......අපි ගොඩක් වෙලාවට කරන්නේ බලාගෙන ඉන්න එක........මට මතක හැටියට මම එතන සෙල්ලම් කරලා තියෙන්නේ එක පාරක් හරි දෙපාරක් හරි පමණයි .......ඒ පැත්තේ අය ගෙඩක් ඉන්න නිසා අපිට එතන සෙල්ලම් කරන්න අවශ්ථාවක් නැහැ...........දැන් වාගේ ඒ පැත්තේ ගෙවල් නැහැ තුනක් හතරක් තමයි  තිබුනේ හොදට ඉඩකඩ තිබුනා.....සෙල්ලම් කරන්න....වටේම ටිකක් කැලය තමා ඒ කුරැදු ඉඩම්......කජු පුහුලම් ගස් අඹ ගස් පේර දොඩම් හැම තැනකම වාගේ තිබුනා.........ඒ වාගේම කොස් ගස් ඇති තරම් තිබුනා.....වැල  වරකා නම් කොපමන කෑවත් එපා නම් වෙන්නේ නැහැ..........

         ගොඩක් වෙලාවට අපි නිශ්සංකලාගේ වත්තේ සෙල්ලම්කරන්නේ අපිව එතන සෙල්ලම් කරන්න ගන්නේ නැති නිසයි......එතන සෙල්ලම් කරන්න අපිට තැනක් නැහැ......එතන කණ්ඩායම් බෙදිලා මැච් ගහන විට අපේ කණ්ඩායමෙන් අර ගන්නේ කිහිප දෙනයි........මැච් තියෙන දවස් වලට අපි අපේ කණ්ඩායමත් අරගෙන එතනට යනවා........කුඩාබොල්ලතේ කණ්ඩායම මිදෙල්ලවිට කණ්ඩායම හොරගොල්ලෙ කණ්ඩායම  බුංවලේ කණ්ඩායම් එතනට එනවා...........සමහර දවස් වලට ඒ තරග සදහා අපේ කණ්ඩායම ඇතුලත් කර ගන්නේ නැහැ අපේ කණ්ඩායමේ කට්ටිය මදි කියලා........අපි දුකෙන් එනවා..එහෙම නැතිනම් බලාගෙන ඉන්නවා............තරග ඉවර වෙනමකම්.......

             නීල් රැපස් ඩොනල්ඩ් අයිවන් සිසිර කුමාර ක්‍රීස්ටි බොනී එහෙම සෙල්ලම් කරන්නේ හොරගොල්ල කණ්ඩායමට ඒ කණ්ඩායමට කවුරැ හරි මදි උනහම අපේ අයිය රංජිත් සිල්වාව ඒකට අර ගන්නවා ....එයා තමයි අපේ කණ්ඩායමේ ටිකක් හොදට සෙල්ලම් කරන්නේ.......ඒ වාගේම තිබ්බොටුගොඩ ගාමීණි විද්‍යාලයේ එකම පන්තියේ හිටපු ගෙඩක් අය හිටියේ හොරගොල්ලේ ඒ කණ්ඩායමේ.......අපේ ඇදුනුම් කම් ඒ නිසා වැඩියි...............ඒත් හොරගොල්ල කණ්ඩායමට අපෙන් ඇතුලත් කර ගන්නෙත් එක්කෙනෙක් හෝ දෙන්නෙක් පමණයි........
             එල්ලේ ක්‍රීඩාව ඒ කාලයේ කොපමන ජනප්‍රීයද කියලා කිව්වොත් අම්මලා තාත්තලා පවා සහයෝගය දැක්කුවා එල්ලේ ක්‍රිඩා කරනවිට..........ඒ අය තමයි තරග සංවිධානය කරන්නේ........ඒ අයත් එනවා ලමයින්ගේ මැච් බලන්න.......මොනවා හරි අසාධාරන ඉල්ලීමක් උනොත් ඒ අය තමයි ඒ ගැන කථා කරලා බේරැම් කරලා දෙන්නේ..........ඒ නිසා .මටනම් ඒ තරම් මතකයක් නැහැ එල්ලේ තරග පවත්වලා ..අපේ කුඩා කණ්ඩායම් අතර ගැටුමක් පැවතුන අවශ්ථාවක් ගැන........මම මතක් කරන්න උත්සාහ කලත් මතකයට එන්නේම නැහැ......

            හොරගොල්ලේ ඩෙනල්ලාගේ වත්තේ එල්ලේ තරග පැවැත්වෙනවා.........ඩෙනල්ලාගේ තාත්තා ඇල්පෙන් සිල්වා ඒ ගැන උනන්දු වෙලා වැඩ කරනවා ඒ වාගේම නීල් රෑපස්ගේ තාත්තා පිටර් සිල්වා එයත් එහෙමයි........ඒ තරග හැම ඉරිදාවකම පවත්වන්න පටන් ගත්තා.........එම ස්ථානයේ ගණේමුල්ල එහා හොරගොල්ල කුඩාබොල්ලත මිදෙල්ලවිට පන්සල්වත්ත යන එල්ලේ කණ්ඩායම් සැම ඉරැ දිනම තරග පවත්වන්න කටයුතු කලා...........අපේ ටිම් එකේ හිටපු දක්ෂතම ක්‍රීඩකයා උන රංජිත් සිලවාත්  ඒ කණ්ඩායමට අරගත්තා ටිකෙන් ටික.....ඒ වාගේම ලක්ෂ්මන් සිල්වාව බුංවල ටීම් එකෙන් අරගත්තා.......ඒ එකම පංතියක හිටපු නිසා ......ඒ අය ඒ කණ්ඩායමට සෙල්ලම් කරන්න යනවිට අපිත් ඒ අය සමග හොරගොල්ලේ කණ්ඩායමට ගියා.....

            හොරගොල්ල දීපශිකා ක්‍රීඩා සමාජයේ ආරම්භය එතනින් පටන්ගත්තා......අවශානයේදී නීල් රැපස්ගේ නායකත්වයෙන් ජාතික ශුරතාවය අරගන්නා තුරැ ඉතා අපහසු ගමණක් ආවා මම යුධ හමුදාවට ඇතුලත් වෙනතුරැ දීපශිකා ක්‍රිඩා සමාජයේ හිටියා.....තරග දෙක තුනකට පමනක් සෙල්ලම් කරන්න අවශ්ථාව ලැබුනත් අයියා එකේ හිටපු දක්ෂ ක්‍රිඩකයෙකු නිසා හැම කටයුතතකදීම මමත් පෙරමුන් හිටියා.........ක්‍රිඩා සමාජය ඉදිරියට ගන්න කටයුතු කලා.......

             නීල් රැපස් ලංකාවේ දක්ෂතම ක්‍රීඩකයා වෙලා දීපශිකා එල්ලේ කණ්ඩායම ලංකාවෙන්ම දක්ෂතම කණ්ඩායම වෙන විට අපෙන් වෙන්න ඔනෑ යුතුකම මම නොපිරිහෙලා ඉටුකලා......නීල් රැපස් එල්ලේ සම්මේලනයේ භාන්ඩාගාරික වෙලා ඉන්න කොට එල්ලේ සම්මේලනයේ සභාපති වෙලා හිටියේ  ජනාධිපති මහින්ද රාජපක්ෂ ........මම නිල් හමු උන හැම වෙලාවකම කථාකලේ එල්ලේ ක්‍රීඩාවේ අනාගතය සහ එල්ලේ ක්‍රිඩකයින්ගේ අනාගතය ගැනයි.......මම එක එක යෝජනා ඉදිරිපත් කලා ඔහු ඒවා එල්ලේ සම්මේලනය සමග කථාකලා......ඒ වාගේම දිපශිකා ක්‍රීඩා සමාජයේ සංවත්සරය වෙනුවෙන් පුවත්පතක් පවා නිකුත් කලා......එය එල්ලේ ක්‍රීඩාව වෙනුවෙන් නිකුත් උන ප්‍රථම එල්ලේ සගරාවයි........................

            මම විශේෂයෙන්ම කියපු දෙයක් තමයි එල්ලේ ක්‍රීඩාව ජාත්‍යන්තර තලයට ගෙන යන්න සෑම කෙනකුගේම ආශාව..... ඒ නිශා ඒ ගැන ක්‍රීයා කරන්න....කියපු එක ඔහුත් ඒ මතයේම හිටියා ....ඒ ගැන ක්‍රීයා කලා ....ඉංදියාවේ තරගයක් පවත්වන්න සිංගප්පූරැවේ තරගයක් පවත්වන්න සැලසුම් කලා....මම කියපු...අනික් එක ....එල්ලේ ක්‍රීඩාව ජාත්‍යන්තරයට ගෙනියන්න අන්තර් ජාලය උපයෝගි කරගන්න කියපු එක.............මම එතකොට යුධ හමුදා මුලස්ථානයේ රාජකාරි කලේ....නීල් රැපස් වැඩකලේ වරාය අධිකාරියේ වැඩ ඇරිලා  එන සෑම අවශ්ථාවකදිම මම කිව්ව කාරනයත් එයයි.........ඔහුත් එය පිලි ගත්තා............

                 ඒත් නීල් රැපස් මියයන තුරැත් එය ක්‍රීයාත්මක වුයේ නැහැ.........හදිසි අනතුරකින් .ුවාල ලැබූ  නීල් රැපස් කොළඹ මහ රෝහලේ ඉන්න විට මම බලන්න ගියා ....දක්කහම දුකක් කණගාටුවක් හිතුනත් කරන්න දෙයක් නැහැ .......මමත්  කණගාටුවෙන් බලාගෙන ඉදලා එන්න ආවා.........ටික දවසකින් නීල් රෑපස් මියගියා....කණගාටු දායක පුවතක් උනත් ඒ හැම දෙයකටම අපි මුහුණ දිය යුතුයි..........ඔහුගේ අවමංගල්‍ය කටයුතු ඉතාත් හොදින් කරන්න අපි සිතා ගත්තා........ මමත් අපේ අයියා රංජිත් සිල්වාත් එය සංවිධානය කලා දීපශිකා ක්‍රීඩා සමාජයේ අනෙක් අයවළුන් සෑම සහයෝගයක්ම දුන්නා........ලංකාවේ එවකට හිටපු කණ්ඩායම්.දක්ෂ ක්‍රීඩකයින් ඒ සදහා සහභාගී උනා......ඉතාමත් ගාමිභීර විදිහට එල්ලේ ක්‍රීඩකයෙකුට ලබාදිය හැකි උසස්ම ගෙෘරවය ලබා දෙන්න හැකි විදිහට එය සංවිධානය කරලා ...........අවමගුල් උත්සවය ආරම්ශක කථාව මම කලා... ඇවිත් හිටපු දේශපාලකයින්ට කථාවන් භාර දුන්නා ....ඉන් පසුව අවමගුල් උත්සවයේ කටයුතු කරගෙන ගියේ අපේ අයියා............
එවකට එල්ලේ සම්මේලනයේ සභාපති මහින්ද රාජපක්ෂ ඇතුළු මැති ඇමතිවරැ කිහිප දෙනෙක් ආවා..............අවමගුල් උත්සවයෙන් පසු ටික කාලයකින් දීපශිකා එල්ලේ කණ්ඩායම ටිකෙන් ටික පස්සට ගිහින් නැත්තටම නැතිව ගියා.............
නැවතත් හොරගොල්ල දීපශිකා ක්‍රීඩා සමාජය ගොඩ නගන්න අප කිහිප දෙනෙක් උත්සාහ කලත් ....ආරම්භ කර ටික දිනකින් එය නැවත ගොඩ නගා ගන්න බැරි තත්වයකට පත්වුනා.........එයට විශේෂ හේතුන් කිහිපයක් තිබුනා ඉන් එකක් නම් කණ්ඩායමේ සිටි කිසිවකුත් පරාජය දකින්නට කැමති උනේ නැහැ .........ඒ අය දැනගෙන හිටියේ නැහැ ....පරාජය ජයග්‍රහනයේ ජය මාවත කියලා...........
ඉන් පසුව මම තිරනය කලා එල්ලේ ක්‍රිඩාව අන්තර්ජාලයට ඇතුලත් කරලා මම මගේ යුතුකම ඉටු කරනවා කියලා ඒ අනුව එය තනියම හෝ කරන්න .......අපේ පැරැන්නන් මතක්කරන්න....එය අනාගත පරපුරට පෙන්වන්න ඔනැ නිසා ........කිසිම දෙයක් කාගෙන්වත් බලාපොරොත්තුවක් නැතිව ........ඒ වැඩය කරන්නට උත්සාහ ගත්තා............

වර්ථමානයේ මම අවංකවම සතුටට පත් වෙනවා එල්ලේ ක්‍රීඩාව ලොවට පෙන්වන්න මම ගත්තු උත්සාහය සහ එය කොපමන දුරකට සාර්ථක උනාද කියනවානම් ........ලෝකයේ එල්ලේ ක්‍රීඩාව නෙදැකපු නොදන්න අය ට දැනගන්න

ඔබත් එල්ලේ ක්‍රීඩාව පිලිබද තොරතුරැ බලන්න

 Facebook Sri Lanka Elle බලන්න

Youtube Sri Lanka ELle (එල්ලේ තරග විඩියෝ බලන්න

blog/web  එල්ලේ ක්‍රිඩා තොරතුරැ සිංහල හෝ ඉංග්‍රිසියෙන් බලන්න

Wikipedia අන්තර්ජාල එල්ලේ ශබ්ද කෝෂය  බලන්න


එල්ලේ  ක්‍රීඩාව ගැන එල්ලේ ක්‍රිඩකයින් පිළිබද තොරතුරැ සෑම විස්තරයක්ම අඩංතු කර ඇතත් තවත් විස්තර ඇතුලත් කිරිමට මා උත්සාහ ගනිමින් සිටින අතර මෙසේ හෝ එල්ලේ ක්‍රීඩා තොරතුරැ  අන්තර්ජාලයට යොමුකරන්නට ලැබිම ගැන...... මම සැබැවින්ම සතුටට පත්වන්නේ එල්ලේ ක්‍රිඩාව වෙනුවෙන්......හා පැරණි ක්‍රීඩකයින් වෙනුවෙන් තරග නරඹන්නන් වෙනුවෙන් මා විසින් ඉටුකල යුතු යුතුකමක් යැයි මා සිතන නිසයි.......

එල්ලේ ක්‍රිඩාව වෙනුවෙන් නිර්මානය කරඇති පුවත් පත එලිදැක්වීම ......

  .

එසේම...මා  නිර්මානය  අන්තර්ජාල පිටුව අන්තර්ජාලයට මුදාහැරිම මාගේ මිලග බලාපොරොත්තුවයි......
.....

මාගේ මෙම බලාපොරොත්තුවද මල්පල ගන්වමින්  වසර දහසු ගනනක අතිතයක් ඇති එල්ලේ ක්‍රිඩාව වෙනුවෙන් සිංහල සහ ඉංග්‍රීසි මාධයයෙන් ලියවුන ප්‍රථම එල්ලේ අන්තර්ජාල පිටුව  ලෝක ජනතාවට දැක බලා ගැනීම සදහා මුදා හරින ලදි.
මා මෙයින් ලබනා ආත්ම තෘප්තිය කොතෙක්ද කියලා කියන්නට නම් මට බැරිය.එය කිසිම දිනක මුදලට ගත නොහැකි දෙයකි.......... මා මුදල් පසුපස හබා ගියෙහි නම් එවැන් තෘප්තියක් මා කෙසේනම් ලබා ගන්නේද.....?මුදලින් මිලකල නොහැකි මෙම ආත්ම තෘප්තිය පිළිබදව මා කෙසේ නමි විග්‍රහ කරන්නේද යන්න මා නිරතුරැවම කල්පනා කරමි............දෙවියනී.....................ඔබට මා සදා නයගැතියි..............ඔබ වෙනුවෙන් මා තව තවත් කැප වෙන්නෙමි.........මා හට ඉටු කිරිමට තවත් බොහො රාජකාරින් ඇත........ඒ සදහා මා හට ඥාන ශක්තිය මෙන්ම ඉවසීම ලබා දුන මැනව මා ආරක්ෂා කල මැනව..........


එල්ලේ ක්‍රීඩාව විශ්ව ශබ්දකෝෂයට (Wikipedia )ඇතුලත් කිරිම.......






..



   

No comments:

Post a Comment